Møt arbeidsgruppa


Kristian Furset Skaar er grunnleggjar av Skaar Studio og initiativtakar til Sogn Kulturhub. Han har erfaring frå produksjon innan kunst-, kultur- og musikkfeltet, kombinert med utdanning innan økonomi og erfaring frå gründerverksemd og organisasjonsarbeid. Gjennom sitt arbeid ønskjer han å skape ein arena for kreativ utfalding med låg terskel for deltaking, og bidra til å samle aktørar, skape nye koplingar og styrkje det kreative økosystemet i lokalsamfunnet.  



Dr Conohar Scott er fotograf, forskar og undervisar med brei erfaring innan visuell kunst, publisering og kulturprosjekt. Gjennom mange år med forsking, profesjonell praksis og undervisning har han opparbeidd særleg kompetanse innan miljøfotografi, klimarettferd og offentleg formidling. Han har samarbeidd med kunstinstitusjonar, utdanningsmiljø og frivillige organisasjonar i fleire land, og bidreg med fagleg kompetanse, internasjonal erfaring og eit sterkt engasjement for å utvikle nye moglegheiter for kunst og kultur i Sogn.